Raskunhu di Métas y Objétivus

Nu ta spera uza es raskunhu pa enkoraja Diretor di Kumité, menbrus di kumunidadi di New Bedford y di otus algen interesadu pa da opinion y informa sobri midjoramentu, revizon y dizenvolvimentu di métas, objétivus y ason di planu. Pur favor, nhos partidja nhos ideia pa djuda-nu difini futuru di New Bedford!
TÉMA 1: PIONERU GLOBAL

GP.1 Méta: Garanti futuru susésu di pólus ki dja sta stabilesedu móda portu y zóna kumersial
GP.1 Objétivus
  1. Prezerva uzus dipendenti di zóna di mar na ária spesífiku di portu pa jerason futuru
  2. Prepara portu pa futuru ivuluson di péska y ikunomia di mar

GP.2 Méta: Kontinua ta ser pioneru na inovason ikunómiku
GP.2 Objétivus
  1. Promove New Bedford kómu un séntru pa ikunomia di mar y indústria ióliku emerjenti na mar
  2. Kuntinua ta valoriza y ta promove enpriendidorismu lokal y pikenus negósiu
  3. Konstrui baziadu na stória di inovason di manufatura di New Bedford (desdi fabrikason di fazénda/ropa te spesializason di prosesamentu di kumida) pa pruduzi mas dizenvolvimentu na manufatura di futuru
  4. Kontinua ta da apoiu ikunómiku pa promove arti y kultura kómu rakonhisimentu di se inovason y di inpaktu ikunómiku na Sidadi.

GP.3 Méta: Lidera na riziliénsia klimátiku
GP.3 Objétivus
  1. Buska soluson inovador pa alkansa kes méta y rakomendason di “NB Resilient”
  2. Faze parseria ku entidadis rijional, statal y federal pa inplementa prujétus di riziliénsia
  3. Involve kumunidadi vulnerável na tomada di disizon y na preparason pa inpaktu klimátiku (Méta di NBR)
  4. Kria un Planu di Rafreska Sidadi interu pa konbate inpaktu di kalor na ditirminadus ária
  5. Omenta uzu, na propriadadis di sidadi y di prujétus munisipal, di opson di inerjia ifisienti y ranovável y infrastrutura verdi y soluson rizilienti baziadu na naturéza
  6. Integra padrons pa dizenvolvimentu rizilienti di klima na prusésus di aprovason di mapiamentu y prujétu pa nobu dizenvolvimentu o di grandi ramodelason di Sidadi.

GP.4 Méta: Salebra stória di Sidadi kómu un kumunidadi divérsu y multikultural.
GP.4 Objétivus
  1. Promove konprenson y presiason di stória multikultural na tudu zóna di sidadi di New Bedford
  2. Kria txeu séntru di arti y kultura, na New Bedford, ta bai ta spandi-s di Séntru di sidadi pa zónas móda Acushnet Avenue
  3. Spandi y promove iventus ki ta salebra kulturas própi di New Bedford.

Question Title

* 1. Kuzé ki sta falta na es lista?

Question Title

* 2. Ki ideias nhos ten pa faze es objétivu rializa?

TÉMA 2: SÉNTRU RIJIONAL 

RH.1 Méta: Permanese un konkorenti ikunómiku di susésu na rijion ki ta konstrui, ta trai y mante trabadjadoris y kapasidadis nesesáriu pa ¨Área Metropolitana di New Bedford¨ fika ikunomikamenti ben finkadu
RH.1 Objétivus
  1. Kultiva un ralasionamentu saudável ku setor privadu pa konstrui un ikunomia rijional diversifikadu, inkluzivu y ki ta oferese oportunidadi pa ken ki prokura-l
  2. Invisti na dizenvolvimentu di trabadjadoris na setoris ki ta paga saláriu altu y ki sta na kresimentu
  3. Kria zónas spesífiku di kresimentu pa apoia dizenvolvimentu ikunómiku
  4. Pruveita kapasidadi indutrial di New Bedford pa dizenvolve indústria di altu teknulujia
  5. Putensial: Plania spanson nesesáriu di uzu institusional y síviku, móda kanpus idukasional y médiku pa apoia un dizenvolvimentu ikunómiku mas vastu.

RH.2 Méta: Riforsa papel di New Bedford kómu un séntru di arti, kultura y stória
RH.2 Objétivus
  1. Apoia trabadju di NB Creative y inplementason di rakomendason di Planu di NB Creative di 2018
  2. Pruveita rikursus/spasus di Sidadi, NBEDC y di otus parseru pa injeta arti y kultura na tudu zóna, ku abertura di asésu na spriénsia y partisipason na arti kriativu, na sidadi interu
  3. Kontinua ta invisti y ta bende/komersializa bens stóriku y kultural di New Bedford
  4. Prezerva y promove propriadadis stóriku, paizajen y lugaris inpurtanti di New Bedford
  5. Kontinua ta insentiva nobu uzu di prédius stóriku pa prezerva karáter stóriku di Sidadi
  6. Apoia kumunidadi artístiku ku garantia di asésu na spasus pa vive, trabadja y partidja ses arti
  7. Iduka y inspira prósimu jerason di artistas kriativu y pensadoris
  8. Kontinua ta difende arti públiku na prujétus di infrastrutura y dizenvolvimentu.

RH.3 Méta: Pruveita kes konekson di transpórti inkluíndu eroportu, “ferry” y konboiu intermunisipal.
RH.3 Objétivus
  1. Midjora kel “primeru inpreson” di New Bedford desdi sistéma rijional di otostrada te uzu di terénu y midjoria na infrastrutura ben prujetadu.
  2. Pruveita kel oportunidadi di stenson di kaminhu di konboiu intermunisipal di MBTA pa kria zónas vibranti na New Bedford ku mas asésu na transpórti públiku
  3. Persebe oportunidadi ikunómiku ki Eroportu Rijional di New Bedford ten y ses midjoramentu ki sta planiadu.

Question Title

* 3. Kuzé ki sta falta na es lista?

Question Title

* 4. Ki ideias nhos ten pa faze es objétivu rializa?

Téma 3: Sidadi Prósperu 

TC.1 Méta: Omenta oférta jeral di moradias na sidadi interu
TC.1 Objétivus
  1. Kolabora ku kumunidadis vizinhu pa djuntu infrenta dizafius rijional di moradias
  2. Fasilita konstruson di nobus moradia déntu di diferentis nível di rendimentu
  3. Identifika oportunidadis di kebra kes barera ki ta izisti y ajiliza prusésu na dizenvolvimentu di moradias
  4. Pruveita MBTA Communities Act kómu un oportunidadi di pensa novamenti na densidadi di populason na árias-xavi di Sidadi
  5. Promove kónpra di kaza y un vida indipendenti.

TC.2 Méta: Inkorpora riziliénsia, ikuidadi y inkluzon na tudu Dipartamentus y inisiativa di Sidadi
TC.2 Objétivus
  1. Involve senpri grupus kumunitáriu, parserus y grupus tradisionalmenti sub-raprezentadu na planu di inplementason y disizon pulítiku
  2. Fornese un kumunikason di Sidadi klaru y transparenti
  3. Midi y konpanha prugrésu pa garanti ikuidadi na inplementason
  4. Liga tudu rizidenti di New Bedford ku oportunidadis ikunómiku
  5. Spandi ferraméntas y rikursus pa proteje rizidentis y pikenus negósiu di oméntu di kustu.

TC.3 Méta: Kria un redi di transpórti multimodal y interligadu
TC.3 Objétivus
  1. Omenta suguransa y asésu di tudu algen na rua y lugaris na sidadi interu (alinha ku OSRP)
  2. Midjora kes ligason fíziku entri zónas
  3. Omenta uzu di kaminhu di-pé, bisikléta y tránzitu (alinha ku méta di NB Resilient)
  4. Prujeta pórtas di entrada na pontus inportanti di entrada di Sidadi móda sta identifikadu na “Future Land Use Map”
  5. Kontinua ta trabadja rijionalmenti pa midjora konekson, kaminhus di bisikléta y transpórti públiku.

TC.4 Méta: Promove un anbienti saudável tantu pa naturéza kómu pa algen dizenvolve ben
TC.4 Objétivus
  1. Omenta kópa di arvi di manera igual na tudu ária di sidadi (alinha ku méta di NB Resilient)
  2. Prezerva y konpo otu bes spasus abértu y habitats natural
  3. Spandi uzu di infrastrutura verdi y midjoris prátika na jeston di agu di txuba (Spia OSRP Méta 4 objétivu 1)
  4. Spandi oportunidadis idukativu sobri mudansa di klima y habitats natural
  5. Kontinua ku linpéza kontinu di árias industrial abandonadu y ku trabadju di dizenvolvimentu.

TC.5 Méta: Reinvisti na Prédius Públiku & Infrastrutura
TC.5 Objétivus
  1. Kontinua ta trata di prujétus di manutenson y reparason ki ten stadu ta adiadu.

TC.6 Méta: Manti Un Prizénsa Institusional Saudável na New Bedford
TC.6 Objétivus
  1. Kolabora ku instituisons, organizasons sin fin lukrativu y otus donu di terénu (izénplu Ajénsias imubiliáriu, ospital) ki pode djuda inplementa rakomendason di Planu
  2. Apoia susésu institusional di longu prazu óra ki nu ta kolabora ku es instituisons pa dizenvolve y moderniza ses idifísiu y spasus di manera ki é konpatível ku uzu y métas di planu di sidadi
  3. Promove y dizenvolve putensial relason ku instituisons nobu ki pode lokaliza la o pode kontribui pa New Bedford através di inisiativas di bazi di piskiza, o kultural y idukasional.

Question Title

* 5. Kuzé ki sta falta na es lista?

Question Title

* 6. Ki ideias nhos ten pa faze es objétivu rializa?

Téma 4: Zónas ku Inkluzon

IN.1 Méta: Ten kazas dispunível pa tudu jerason, saláriu y tamanhu di grupus
IN.1 Objétivus
  1. Apoia prezervason di kazas di rénda ki ta pode pagadu na nível di sidadi y mudifika y omenta númuru di kazas ki tendu gósi pa satisfaze nisisidadi di rizidentis di New Bedford
  2. Trata di instabilidadi di kaza y di kumunidadi ki ka ten kaza pa mora.

IN. 2 Méta: Garanti ma na tudu zóna ta sintidu suguru y benvindu
IN.2 Objétivus
  1. Midjora kualidadi y konfortu na lugaris públiku di New Bedford
  2. Integra kes midjor prátikas ki ta rakumendadu na tudu kabu na spasu públiku
  3. Kontinua ta invisti na idifísiu skular y lugaris na New Bedford ku apoiu di prugrama di MSBA, kómu fórma di rakonhese ki skólas é instituison prinsipal di un zóna y isensial pa susésu di un alunu
  4. Bazeia na sistema di bibliotékas pa zóna pa promove spasu pa runion, pa jogu/brinka, djunta y prende na kada zóna
  5. Omenta atividadi di tardi y di noti na zónas
  6. Identifika y riforsa séntrus di zónas y spandi oportunidadis pa konstrui kaminhus ki ta sirvi pa tudu algen y stabelese ligason entri zónas
  7. Apoia kumérsiu di retalhu y séntrus di sirbisu lokal (Spia IN.4)

IN.3 Méta: Diversifika ofértas di atividadi rikriativu y midjora asésu pa parkis/jardins y spasus abértu.
IN.3 Objétivus
  1. Spandi atividadi rikriativu y oportunidadis di spasu abértu pa tudu rizidenti di New Bedford, indipendenti di ses idadi o abilidadi. (Spia OSRP)
  2. Integra ikipamentus na parki pa tudu idadi y ku partikular atenson pa jóvens
  3. Invisti na infrastruturas di parkis ki ta primiti runion y iventus kumunitáriu, inkluzive asésu di inerjia y spasus fleksível
  4. Pruveita di oréla di mar variadu di New Bedford y di ses rikursu natural pa spandi asésu pa atividadi rikriativu déntu di agu. (spia OSRP)

IN.4 Méta: Apoia nogósiu lokal/kumérsiu na nível di distritu y da kes idifísiu ki ta izisti otu vizual
IN.4 Objétivus
  1. Promove un mudelu di lójas na zóna y un konjuntu di sirbisu ki ta da asésu faxi ku pé o na bisikléta pa maioria di nisisidadis di tudu dia
  2. Djuda nogósiu kria mas na diterminadu árias
  3. Raduzi spasus vagu y dizenvolve lugaris ki sta mal utilizadu.

IN.5: Méta: Oferese instalason, sirbisus y infrastrutura di altu kualidadi
IN.5 Objétivus
  1. Kontinua y spandi, na sidadi interu, inisiativa di kaba ku txunbu ku objétivu di raduzi kontaktu ku el
  2. Kria un planu di reabilitason y kriason di paseiu na tudu sidadi, baziadu na ikuidadi.
  3. Kontinua ta luta pa eselénsia na idukason.

Question Title

* 7. Kuzé ki sta falta na es lista?

Question Title

* 8. Ki ideias nhos ten pa faze es objétivu rializa?

Obrigadu/a pa nhos raspósta!

Si nhos ta gostaba di manda es kistionáriu pa mas algen na nhos kumunidadi, pur favor, nhos partidja es link li ku es:
https://www.surveymonkey.com/r/QNBZDWD

T