Bon bini na e página di Área rekreativo di Marie Pampoen.
Riba e página aki bo por hasi petishon pa e uso di e área rekreativo di Marie Pampoen.

Por fabor tene kuenta ku área nan disponibel pa reservashon ta área A, C i E. Pues e área nan B i D lo NO ta disponibel pa reservashon por lo pronto. Tambe mester tene kuenta ku kada petishon por tin máksimo 25 persona.


Por fabor tene kuenta ku e siguiente puntonan di importansia pa ku uso di área di Rekreo Marie Pampoen:
  1. Kliente ta obligá pa hür tualèt portátil i presentá e faktura na momentu ku ta tuma e pèrmit. Mester pone e tualèt portátil riba tera i no riba santu.
    - Ménos ku 25 persona: 1 tualèt portátil
    - Mas ku 25 persona: 2 tualèt portátil
  2. Si ta hasi uzo di muzik, no ta permití pa toka muzik te lat anochi. Pa e motibu aki ta pidi pa stòp di toka promé ku 23:00or di anochi.
  3. Tene kuenta ku e zonido no mag di surpasá 40 desibèl.
  4. No ta permití pa grill bou di e palapanan, riba santu, òf riba e konstrukshonnan di betòn ku tin riba e playa bou di ningun sirkunstansia.
  5. Tur restunan di kuminda, sushi, etc. mester wòrdu limpia òf eliminá dor di esun responsabel na final di e aktividat.
  6. Tene bon kuenta ku promé ku bandoná e sitio mester laga e playa limpi manera a hañ’é.
  7. Kliente ta responsabel pa tur otro pèrmit ku mester wòrdu reglá relashoná ku su aktividat.
  8. CTB no ta responsabel pa eventual daño personal, finansiero òf di kualkier índole ku por tuma lugá, promé, durante òf despues di e aktividat.
  9. Kliente ta responsabel pa tur eventual daño kousá na infrastruktura, vegetashon òf kontaminashon di e aria ku ta pertenesé na e playa, promé, durante i despues di e aktividat.
  10. Tur gastunan relashoná i menshoná na punto #9 lo keda pa kuenta di esun responsabel i ku a pidi e pèrmit.
  11. No kumplimentu ku kualkier di un di e puntonan ariba menshoná i ku mester keda konstatá dor di esun enkargá ku mantenshon di e playa, ta kore rísiko ku ta stòp e aktividat. ‘Beheerder’ tin outoridat pa para e aktividat na momentu ku e konstatá ku no ta kumpli ku palabrashon(nan) stipulá den e konvenio aki.
Protokòl Covid-19
Área di Rekreo Marie Pampoen
  1. Lo permití solamente un máksimo di 25 persona pa kada área. Si na e momentu di e aktividat, e ‘Beheerder’ tuma nota ku tin mas ku 25 persona na e área ku e persona a haña pèrmit pe, e tin e outoridat pa para e aktividat.
  2. Kliente ta obligá pa hür 2 tualèt portátil pa e montante di persona permití na kada área, kual unu ta pa hende hòmber i e otro pa hende muhé so hasi uso di dje. Den kada un tualèt portátil mester disponé di ‘hand sanitizer’ pa e bishitante por hasi uso di dje. Mester presentá e faktura na momentu ku ta tuma e pèrmit. Mester laga pone e tualèt portátil riba tera i no riba santu.
  3. Pa aktividat nan ku ta konsistí di un grupo di 15 persona òf ménos, lo mester hür un tualèt portátil ku e mesun kondishon nan menshoná na punto #2.
  4. Mester pèrkurá pa durante e aktividat, e bishitantenan ta disponé di awa i habon pa laba man, papel pa seka man i tambe ‘hand sanitizer’ pa mantené e higiena personal.
  5. Na momentu di e aktividat mester keda mantené e regla di distansia físiko, manera esaki ta wòrdu indiká na e área rekreativo.
  6. Mester pèrkurá pa e área keda limpi durante i despues ku e aktividat kaba. Mester tin sufisiente saku pa tira sushi aden.
  7. Pa aktividatnan di anochi, mester pèrkurá pa e área tin sufisiente iluminashon.
  8. No ta permití pa toka muzik te lat anochi. Pa e motibu aki ta pidi pa stòp di toka 23:00or di anochi I e zonido no mag di surpasá 40 desibèl.
  9. Si bishitantenan tin síntoma nan manera ferkout òf tosamentu lo mester hasi uso di ‘mondkapje’ pa por partisipá na e evento.
  10. Huntu ku e Protokòl aki, e reglanan eksistente lo sigui konta meskos pa tur aktividatnan na e área di rekreo Marie Pampoen.

T