Праграма ArtPower Belarus запрашае Вас узяць удзел у даследаванні, прысвечаным стану і развіццю арганізацыяў ды ініцыятываў, што дзейнічаюць у полі беларускай культуры.

Анкета прызначаная для апытання прадстаўнікоў арганізацыяў любога тыпу, што працуюць у сферы беларускай культуры: арганізацыяў грамадзянскай супольнасці, нефармальных ініцыятываў і культурніцкіх кампаніяў, творчых звязаў і калектываў, камерцыйных арганізацыяў, установаў культуры і да т. п.

Апытанне ананімнае, мы гарантуем, што ўся атрыманая інфармацыя будзе выкарыстоўвацца толькі ў абагульненым выглядзе, ніякія звесткі, што дазваляюць ідэнтыфікаваць Вас асабіста або Вашую арганізацыю, не будуць апублікаваныя. Калі Вы не жадаеце адказваць на нейкія пытанні з меркаванняў бяспекі альбо з іншых прычынаў, Вы заўсёды можаце абраць варыянт “прапусціць пытанне”. Запаўненне анкеты зойме ў Вас 15-20 хвілінаў, вашыя адказы дапамогуць нам зразумець, якія праблемы сёння маюць дзеячы беларускай культуры і як іх можна вырашаць.

Загадзя ўдзячныя за ўдзел у даследаванні!