د افغانستان د ارزونې او زده کړې په څېړنه کې مو له ګډون څخه مننه!
مونږ د افغان ارزونې ټولنې یا (AfES) په استازیتوب او د پراختیایي معاونت کمېټې یا (DAC) د ارزونې ټیم په همکارۍ، د پراختیا ارزونې شبکې یا (EvalNet/EVALNET) پر ارزونې باندې یوه څېړنه ترسره کوو. د دې څېړنې موخه په نازکو او کړکېچنو سیمو کې د ارزونې د زده کړې د څرنګوالي په اړه د علمي درسونو چمتو کول دی؛ دا چې په ارزونو کې کوم څه ګټور وو او کوم څه ګټور نه وو، او ولي؟ دا څېړنه به د پالیسي جوړوونکو، د پروګرام کارکوونکو، کمېشنرانو او د ارزونې ارزوونکو ته مهم درسونه او سپارښتنې چتو کړي.
دا څېړنه په افغانستان کې د نظامي، بشري او پراختیایي همکاریو، او د ملت جوړونې او دوامداره پراختیا د عمومي مفهوم د راښکاره کولو په اړه په جزئیاتو بحث نکوي، خو د شواهدو پر بنسټ پر پالیسۍ جوړونې باندې به د اساسي موضوع په توګه بحث کوي.
دا څېړنه ستاسو شخصي معلومات نه راټولوي؛ او ستاسو نوم یا ستاسو د ادارې نوم، یا د هغو خلکو او ادارو نومونه چې کېدای شي تاسو یې یاد کړئ، په راپور یا بل ځای کې په عام ډول نه یادوي/ نه لیکي. مونږ یواځي ډېټا (لومړنی معلومات) رالنډ او ترکیبوو، او هغه د سکټور (څواړخیزه، د ملګرو ملتونو ادارې، او داسې نور) پربنسټ په ګروپونو کې تنظیموو ترڅو په شخصي ډول د تثبیت وړ نه وي.
ټول هغه معلومات چې تاسو یې چمتو کوئ، په پوره ډول او جداً پټ یا محرم پاته کېږي او ستاسو له نوم سره نه نښلول کېږي. مونږ ډېټا (لومړنی معلومات) له نوم پرته راټولوو. مونږ په داسې طریقو کار کوو چې ډاډه شو ستاسو ځوابونه په جدي ډول محرم او بې نومه ترتیب شي.
زمونږ دې ته په پوره ډول پام دی چې د "هېڅ ضرر ونه رسوئ" اصل په جدي ډول په پام کې ونیسو او د څېړني لومړیتوب یې وشمېرو؛ ترڅو د ټیم غړي، څېړوونکي، ګډون کوونکي، او هغه کسان چې په مستقیم او غیرمستقیم ډول له څېړنې څخه اغېزمن کېږي، خوندي کړو – مونږ همدارنګه د افغانستان اوسني حالت ته، له ډېرو هغو سره چې په مستقیم او غیر مستقیم ډول اغېزمن شوي دي، متوجه یوو. که چېرته پوښتنې داسې وي چې تاسو ونه غواړئ ځواب ورکړئ، په آسانۍ سره له هغو تېر شئ، یواځي دومره ووایاست چې "ترې تېر شه". تاسو همدارنګه کولای شئ چې هر وخت وغواړئ، له مرکې څخه تېر شئ او هرکله مو چې غوښتی وي، د خپل رضایت فورمه له څېړنې څخه وباسئ.