Kupu whakataki

Tēnā koutou katoa.

Kei te mihi ki a koe mōu i mahi tahi me mātou ki te whakawhanake i Te Mātaiaho, the New Zealand Curriculum (NZC) kua whakahoutia. Ka āhei koe ki te tomo atu ki tētahi kape matihiko o Te Mātaiaho | te draft curriculum framework ki https://curriculumrefresh.education.govt.nz/get-involved .

Kua hoahoatia te uiuinga hei mahi ā-rōpū, ā, kotahi hāora pea te roa o te mahi. He pai hoki ki a mātou kia tuku whakautu takitahi mai te tangata, mehemea kāore e taea te mahi ā-rōpū. E tūtohu ana mātou kia waiho te puka o Te Mātaiaho kia tuwhera i mua i a koutou i a koutou e whakakī ana i te uiuinga.

I te mutunga o tērā tau, i rapu whakautu mātou mō tētahi tuhinga kōkau o te anga o Te Mātaiaho. Kua whakahoutia e mātou tēnei anga i runga anō i tā mātou i rongo ai, ā, kei te hiahia mātou ki ō whakautu ināianei mō te putanga tino hou rawa.

Ka kimi whakaaro tēnei uiuinga whāiti mō ētahi kaupapa e toru:

·        Mātairea | Te tautoko i te ahunga whakamua

·        Mātaioho | Te hoahoa me te arotake i te marautanga kura

·        Mātaiahikā | Te tūhono ki te wāhi me te hapori 


Ka tono hoki te uiuinga kia whakautu mai te tangata mō:

·        Te anga hukihuki katoa.

·        He  pēhea te noho rite o tō kura hei urupare ki Te Mātaiaho, me te whāinga take o ngā tautoko me ngā rauemi e wātea ana.


Te Tūmataititanga

Ko ētahi o ngā pātai i tēnei uiuinga kāore e tono mōhiotanga hangapori, ahakoa rā, kei te tangata te tikanga mō te whakautu. Ka haere ingoa-muna te uiuinga, ā, kāore mātou e hiahia ana ki te kohikohi mōhiotanga i tēnei uiuinga e taea ai koe te tautohu e te tangata kē. Ahakoa tērā, ki te tukua mai ētahi mōhiotanga, ka hāpainga i runga anō i ngā ritenga o te Ture Tūmataitinga (Privacy Act) 2020 me te tauākī a Te Tāhuhu mō te tūmataitinga whānui, i tōna pae tukutuku.

Ko tā mātou inoi kia tukua mai e koe te ingoa o tō kura kia pai ai tā mātou whakapūrongo mō ngā wehenga hangapori. E kore tētahi tangata takitahi, kura takitahi rānei e whakahuatia, e waitohutia rānei i roto i ētahi katoa o ngā pūrongo ka tuhia i muri i tēnei hātepe urupare. Ka noho a Te Kunenga ki Pūrehuroa (Massey University) ki te tātari i ngā urupare, ki te tuhi pūrongo hoki mā te Tāhuhu o Te Mātauranga. Ka āhei pea ngā tāpaetanga kua whakamunatia ngā ingoa kia whakaputaina, mehemea ka tonoa i raro i te Ture mō ngā Mōhiohio Whai Mana.

T