Skip to content

Cais Mentoreion 2026-27

TROSOLWG O’R RHAGLEN

Mae Pŵer Cyfartal Llais Cyfartal (EPEV) yn rhaglen fentora a hyfforddi trawsgydraddoldeb am ddim a fwriedir i gefnogi pobl o grwpiau sydd wedi'u tangynrychioli i gamu i fywyd cyhoeddus ac ysgwyddo rolau arwain mewn mannau lle gwneir penderfyniadau ledled Cymru. Nid yw’r rhaglen yn gysylltiedig ag unrhyw blaid wleidyddol ac mae’n agored i unigolion o bob cefndir gwleidyddol neu anwleidyddol.

Mae EPEV yn fenter gydweithredol a gydlynir gan Rhwydwaith Cydraddoldeb Menywod (RhCM) Cymru mewn partneriaeth ag Anabledd Cymru, Tîm Cymorth Lleiafrifoedd Ethnig ac Ieuenctid (EYST), a Stonewall Cymru. Ariennir y rhaglen gan Lywodraeth Cymru a Chronfa Gymunedol y Loteri Genedlaethol.

Pan fydd mannau lle gwneir penderfyniadau yn adlewyrchu amrywiaeth y boblogaeth, mae pawb yn elwa. Mae arweinyddiaeth gynhwysol yn arwain at bolisïau mwy teg, cynrychiolaeth gryfach o anghenion y gymuned, a mwy o ymddiriedaeth y cyhoedd mewn sefydliadau. Mae profiad bywyd yn dod â dealltwriaeth ffres – trwy helpu i ganfod bylchau, herio rhagdybiaethau, a siapio datrysiadau sy'n gweithio i bawb. P'un ai yw'n llunio polisi addysg, yn gwella gwasanaethau cyhoeddus, neu’n cryfhau ymgysylltiad cymunedol, mae cynrychiolaeth amrywiol yn esgor ar ganlyniadau mwy ymatebol, arloesol ac effeithiol i gymunedau.

Trwy fentora un-i-un, hyfforddiant wedi'i deilwra i'ch nodau, dysgu gan gymheiriaid a chyfleoedd rhwydweithio – bydd EPEV yn eich helpu i ennill y sgiliau, yr hyder a'r cysylltiadau sydd eu hangen arnoch i arwain. P'un a oes gennych ddiddordeb mewn gwleidyddiaeth, gwasanaeth cyhoeddus, y cyfryngau, neu'ch cymuned leol, nod y rhaglen yw cefnogi eich siwrnai.
I ddysgu mwy, ewch i: https://epev.cymru/
PWY SY’N GYMWYS

I wneud cais, rhaid i chi fodloni'r meini prawf canlynol:

  • 18 oed neu'n hŷn ar 21 Mehefin 2026
  • Yn byw yng Nghymru
  • Yn uniaethu fel rhywun sy’n perthyn i o leiaf un o'r grwpiau:
    • Y gymuned LHDTC+
    • Pobl Ddu, Asiaidd neu leiafrifoedd ethnig
    • Menywod
    • Pobl anabl (rydym yn croesawu pobl fyddar / anabl / niwroamrywiol, pobl ag anableddau dysgu a/neu gyflyrau iechyd ac yn defnyddio'r Model Cymdeithasol o Anabledd)
  • Bod yn gallu:
    • Ymrwymo i tua 1 awr bob 4–6 wythnos ar gyfer mentora (dros y ffôn, Zoom/Teams, neu wyneb yn wyneb)
    • Mynychu digwyddiadau hyfforddi misol gorfodol
    • Cymryd rhan mewn cyfleoedd rhwydweithio a meithrin sgiliau
    • Arwain eich perthynas gyda'ch mentor
1.Ydych chi'n gymwys?(Required.)
Preifatrwydd a Defnyddio Data Personol

Bydd y wybodaeth a ddarparwch ar y ffurflen hon yn cael ei defnyddio i brosesu a gwerthuso eich cais ac i'ch hysbysu am ganlyniadau eich cais. Bydd y data personol rydych yn ei ddarparu yn y cais hwn yn cael ei gadw'n ddiogel a dim ond staff sy'n gysylltiedig â phrosiectau o'r cyrff canlynol sy’n sefydliadau partner i EPEV fydd yn cael ei weld:
  • Rhwydwaith Cydraddoldeb Menywod (RhCM) Cymru
  • Stonewall Cymru
  • Anabledd Cymru
  • Tîm Cymorth Lleiafrifoedd Ethnig ac Ieuenctid
Ar ôl i'r broses ymgeisio ddod i ben, byddwch yn cael eich hysbysu o'r canlyniadau. Bydd gwybodaeth yn cael ei harchifo'n ddiogel ar ôl i’r Prosiect Pŵer Cyfartal Llais Cyfartal ddod i ben yn 2028. Os bydd eich cais yn llwyddiannus, bydd y wybodaeth a ddarperir yn cael ei defnyddio i'n helpu i gynllunio a chyflwyno'r rhaglen mewn ffordd sy'n diwallu anghenion ein carfan fentoreion orau. Yn ogystal, bydd enwau’n cael eu dileu o’r data cydraddoldeb a gafwyd gan ymgeiswyr llwyddiannus a chaiff y data hwnnw ei rannu ar draws y pedwar sefydliad partner ar gyfer creu adroddiadau i gyllidwyr ein prosiectau. Gallwch ddarllen ein Datganiad Preifatrwydd yma.
2.A ydych chi'n cytuno â'r datganiad uchod ac yn rhoi caniatâd i ni ddefnyddio eich data fel y disgrifir uchod?(Required.)
SUT I WNEUD CAIS


Rydym am wneud yn siŵr bod ein proses ymgeisio mor hygyrch â phosibl. Gallwch ymgeisio drwy gyflwyno naill ai:

  • Ffurflen Gais: Cwblhewch y ffurflen gais ysgrifenedig isod gyda'ch manylion a'ch ymatebion i'r cwestiynau.
  • Cyflwyniad Sain / Fideo: Os yw'n well gennych gyfathrebu ar lafar, gallwch anfon recordiad yn ateb cwestiynau'r cais. Gwnewch yn siŵr bod eich cyflwyniad yn cynnwys yr holl wybodaeth angenrheidiol. Anfonwch unrhyw gyflwyniadau sain / fideo at admin@epev.cymru.
  • Fformatau Eraill: Os hoffech chi wneud cais mewn ffordd arall, cysylltwch â ni trwy anfon neges i admin@epev.cymru i drafod fformat sy'n gweithio i chi.
MANYLION YR YMGEISYDD
3.Manylion yr ymgeisydd(Required.)
4.Gwybodaeth ddewisol
5.Manylion cysylltu(Required.)
6.Eich awdurdod lleol(Required.)
PAM RYDYCH CHI EISIAU CYMRYD RHAN?

Bydd yr adran nesaf yn ein helpu i weld a yw EPEV yn iawn i chi, ac, os ydych chi'n llwyddiannus, bydd yn ein helpu i’ch paru â mentor priodol.

Rhowch atebion clir a manwl gan y bydd hyn yn ein helpu i ddeall eich cefndir a'ch amcanion.
7.Beth sydd wedi eich ysgogi i gymryd rhan mewn bywyd cyhoeddus neu wleidyddol?

Dylech gynnwys unrhyw brofiad perthnasol sydd gennych, megis gwirfoddoli, gwaith cymunedol, ysgol, prifysgol, ymgyrchu, arweinyddiaeth, neu gymryd rhan mewn gweithgareddau lleol neu wleidyddol.

Os mai’r rhaglen hon fyddai eich cam cyntaf i’r byd cyhoeddus, eglurwch pam eich bod eisiau cymryd rhan (dim mwy na 200 gair)(Required.)
8.Ym mha feysydd o fywyd cyhoeddus y mae gennych ddiddordeb, er enghraifft ymuno â bwrdd, pwyllgor, neu sefyll mewn etholiadau i gynrychioli eraill? A oes rhywbeth penodol yr hoffech ei gyflawni? (dim mwy na 200 gair)(Required.)
9.Pa feysydd dysgu a datblygiad rydych fwyaf awyddus i’w dilyn?(Required.)
10.Beth hoffech chi ei gael o'r rhaglen hon? Pa sgiliau a phrofiad fyddai gan eich mentor delfrydol, a sut y gallen nhw eich helpu i gyflawni eich nodau? (dim mwy na 200 gair)(Required.)
11.Pa dri nod penodol ac allweddol rydych chi'n gobeithio eu cyrraedd mewn bywyd cyhoeddus neu fywyd gwleidyddol dros y blynyddoedd nesaf? (dim mwy na 150 gair)(Required.)
12.Rhowch fywgraffiad byr rydych chi'n hapus i ni ei rannu gyda eich mentor. Gallai hyn gynnwys eich cefndir proffesiynol, meysydd diddordeb neu arbenigedd, ac unrhyw beth arall yr hoffech i'ch mentor wybod amdanoch chi (dim mwy na 200 gair).(Required.)
AMDANOCH CHI

Mae Pŵer Cyfartal Llais Cyfartal yn rhaglen fentora a hyfforddi y mae rhyngblethedd yn egwyddor graidd iddi. Er mwyn ein helpu i ddod i'ch adnabod yn well a deall sut gallwn ni eich helpu ar eich siwrnai drwy'r rhaglen, rhannwch y wybodaeth ganlynol:
13.Beth yw eich hunaniaeth ethnig?
14.Beth yw eich hunaniaeth rhywedd?
15.Ydych chi'n draws?
16.Pa un o'r opsiynau hyn sy'n disgrifio eich crefydd neu’ch cred orau?
17.Ydych chi'n ystyried eich hun yn berson anabl? Rydym yn defnyddio'r model cymdeithasol o anabledd – gweler yma am ragor o wybodaeth: Model Cymdeithasol – Anabledd Cymru
18.Sut fyddech chi'n disgrifio eich cyfeiriadedd rhywiol? (Ticiwch bob un sy’n berthnasol.)
19.Beth yw eich gallu yn y Gymraeg?
20.Pa un o'r canlynol sy'n disgrifio orau eich statws cyflogaeth presennol? (Ticiwch bob un sy’n berthnasol)
21.Pa blaid wleidyddol ydych chi'n gogwyddo ati fwyaf? (Ticiwch bob un sy’n berthnasol)
Y GARFAN RYDYCH CHI’N EI FFAFRIO

Bydd pob mentorai yn rhan o garfan – grŵp a gefnogir gan un o'r pedwar sefydliad partner. Bydd pob sefydliad yn darparu sesiynau mentora, hyfforddiant a chefnogaeth wedi'u teilwra yn seiliedig ar eu maes arbenigedd a'u ffocws. Er mwyn ein helpu i'ch paru â'r garfan sy'n cyd-fynd orau â'ch hunaniaeth, eich profiadau a'ch nodau, nodwch ddewis cyntaf ac ail ddewis o ran y sefydliadau rydych chi’n gogwyddo atynt fwyaf. Bydd y wybodaeth hon yn llywio eich lleoliad.
Cliciwch ar y sefydliadau a restrir isod i ddysgu mwy am y sefydliadau partner sy'n arwain pob carfan.
CYMORTH I GYFRANOGI A GOFYNION HYGYRCHEDD
23.Cymorth ariannol
Efallai y bydd rhywfaint o gymorth ariannol ar gael i gynorthwyo cyfranogwyr a allai fod angen cymorth i gymryd rhan mewn cyfarfodydd gyda mentoriaid ac mewn digwyddiadau hyfforddi neu rwydweithio. A fyddech chi’n hoffi cael eich ystyried am gymorth ariannol os yw eich cais yn llwyddiannus? Gallwch adolygu hyn ar unrhyw adeg os bydd eich amgylchiadau'n newid, neu gallwch ddewis rhannu'r wybodaeth hon yn nes ymlaen.
24.Anghenion mynediad

Rydym wedi ymrwymo i wneud ein sesiynau mentora a hyfforddi yn hygyrch i bob mentorai. Os oes gennych unrhyw anghenion mynediad penodol, rhowch wybod i ni nawr. Byddwch hefyd yn cael cyfle i rannu unrhyw ofynion ychwanegol yn ddiweddarach os yw eich cais i fod yn fentorai yn llwyddiannus. (dim mwy na 200 gair)