Kangiqhipkaijjutikhait
Naunairiami Nunavuutim nunangini nipingit tuhaaqtaujut ilaliutihimajullu aulahimaaqtumik ihuaqhainiq havaangit, Havagviat Inulirijikkut qaitquijutit ilaulutit uumani akhuurutaujut apiqhuutingit naunaijautikhat. Uqaqtatit ihuaqtut ikajuutauniaqtun uvaptingnun akhuuqhuta ihuaqhijuumirlugu inuuhiqattiarniq uvalu qajangnaittumiklu ilagiinut, nutaqqanut, inulramirnullu tamaat Nunavunmi.
Una naunaijaut piqaqtuq ikitunik titiraqhimajunik, ilaujut inugiangningit naunaitkutait, qaujimajakhatit uvalu pidjutikharnik kivgaqtuutikhait,ukuatlu kivgaqtuutikhait atuqhimajatit, uqautaujut tadjamin kivgaqtuutikhait hakugingniit uvalu ajuqhautit, piumajumajatit ihuaqhidjutikhat, uvalu ihumagijatit hanaqidjutinun hivuliutijakhat.
Tamna naunaijautit titirarungni iniqhungujat imaatut 13 minitsimik iniqtiriangani. Nunguani naunaijautip, pivikhaqaqtutit ilaliutilugu titirarlugu qaritaujakkut titirarviit akimanahuarutikharnik taktakhamik.
Kiudjutitit ikajuutaujut kangiqhipkarlugit hanaqidjutikhanik upalungaijautikhat hulidjutikhanunlu, pihimalugit hivuliutijakhavut ikajuutauniaqtun nunallaani ihariagijainik uvalu niriuktaujuniklu. Akhuuqtugut tautungnaqtumik, ilauqatigiingnikkut, uvalu kiudjutikkut atuqtakhaptingnik nutaqqanun ilagiiktununlu kivgaqtuutikhat Atuqhimaguvit ukuninga ikajuutikhanik, ihumagijaqaruvit auladjutainik ukua kivgaqtuidjutikhat, uvaluuniit ihumagijarniklu kivgaqtuidjutikhat ihuaqhivaaliutikhanik, tuharumajugut ilingnit.
Una naunaijaut hiamitiqtaulimaittuq, kiudjutitit atuqtauniaqtut ihuaqhijuumiriangani kivgaqtuutikhait, tunihinidjutikhat, uvalu hanaqidjutikhanginut ihumagijakhat. Qujagijaptigit ilaugavit imaalu ihumagitiaqhugit ikajuutikhat umunga akhuurnaqtumun uqautaujumun. Nipit anginiqaqtuq ukuat uqautigijatit ikajuutaujut ihuaqhaijangini hivungani nutaqqat uvalu ilagiinutlu kivgaqtuutikhait Nunavunmi. Ikajuutingnik naunairniaqtavut kivgaqtuutikhait aturuminaqtut, pitquhikkut mihingnautiqaqtut, uvalu ikajuqhugit tamaita nunallaani ilaujut.