Upplýsingar og umsókn Survey

Grindavík – Saman í sókn, úr samtali í aðgerðir!

Verkefnið Grindavík – saman í sókn er framhaldsverkefni sem byggir á þeirri vinnu sem þegar hefur átt sér stað með fyrirtækjum og frumkvöðlum.

Markmið verkefnisins er að virkja samstarf, hraða aðgerðum og styðja við uppbyggingu fjölbreytts og samkeppnishæfs atvinnulífs í bænum.

Áhersla verkefnisins er á að tengja saman ólíka aðila innan vistkerfis Grindavíkur – fyrirtæki, stofnanir og frumkvöðla – og vinna markvisst að þróun forgangsverkefna sem styðja við verðmætasköpun, nýsköpun og jákvæða framtíðarsýn.

Verkefnið byggir á hugmyndafræði klasasamstarfs og fyrri kortlagningarvinnu þar sem samtal er fært yfir í skýr verkefni og framkvæmd.

Vinnulag og þátttaka
Í framhaldsverkefninu verður unnið í markvissum vinnuhópum þar sem þátttakendur velja þau verkefni sem þeir vilja leggja sitt af mörkum til. Hver hópur vinnur að skilgreindum áherslum með stuðningi verkefnateymis.

Markmiðið er að:

hraða þróun lykilverkefna
efla samstarf þvert á atvinnugreinar
virkja þekkingu og tengsl þátttakenda
skapa raunverulegar lausnir og ný tækifæri

Þátttakendur taka virkan þátt í umræðum, mótun og framgangi verkefna og leggja fram eigin þekkingu, reynslu og tengslanet.

Áherslur verkefnisins
Þátttakendur velja 1–2 áhersluverkefni sem þeir vilja taka þátt í:

Skipulag, samstarf og innviðir - stofnun félags „Atvinnulíf Grindavíkur" og samnýting húsnæðis/þróunaraðstöðu
Upplifun við höfnina og hafið - „Behind the scenes" upplifun og matartengd vara úr hafinu
Nýting jarðhræringasögunnar - saga eldsumbrotanna sem upplifunar- og frásagnarrammi
Samræmd ímynd og markaðssetning - „Grindavík í gangi", upplýsingasíða og „Grindavíkur-dagur”, samfélagssáttmáli
Bláa hagkerfið og hringrásarhugsun - bætt nýting hafsins og þvergreinasamstarf
Nýsköpun og þekkingarsamstarf - kortlagning tengslanets og samstarf við háskóla/klasa

Þessar áherslur byggja á þeirri greiningu að tækifæri felast í aukinni samvinnu, nýtingu auðlinda og þróun nýrra lausna í atvinnulífinu .

Hvað fá þátttakendur?

Aðgang að markvissu samstarfsumhverfi og vinnuhópum
Tækifæri til að hafa áhrif á uppbyggingu atvinnulífs í Grindavík
Tengingar við aðra lykilaðila í vistkerfinu
Stuðning við þróun hugmynda og verkefna
Þátttöku í sameiginlegri framtíðarsýn og aðgerðum

Kynningarfundur og umsóknarfrestur
📍 Kynningarfundur: 7. maí kl. 15:00 í Grindavík
🗓 Umsóknarfrestur: til 11. maí

Lokaorð
Verkefnið er fyrir þau sem vilja taka virkan þátt í uppbyggingu Grindavíkur og leggja sitt af mörkum til framtíðar. Nú er tækifæri til að færa hugmyndir í framkvæmd – úr samtali í aðgerðir.