1. Ynglŷn â’r Arolwg hwn

Mae’r Ymddiriedolaeth Genweirio yn paratoi cyfres o argymhellion ymarferol, clir i helpu genweirwyr môr hamdden drin draenogiaid môr yn ddiogel, gwella cyfraddau goroesi ar ôl rhyddhau, a sicrhau bod y rheoliadau draenogiaid môr hamdden yn hawdd eu deall a’u dilyn. Mae’r arolwg hwn yn gofyn i enweirwyr môr, clybiau, siopau offer, capteiniaid a rhanddeiliaid eraill roi adborth ar ba mor eglur ac ymarferol yw’r negeseuon arfaethedig, dweud wrthym beth fyddai’n eu helpu i ddilyn y cyngor, a chynghori ar ba fformatau ac ieithoedd fyddai’n fwyaf defnyddiol.

Bydd yn cymryd tua 5 – 10 munud i gwblhau'r arolwg. Mae'r ymgynghoriad ar agor am 6 wythnos o ddydd Llun 5ed Ionawr 2026 i ddydd Llun 16eg Chwefror 2026.

Gallwch ymateb ar-lein drwy'r arolwg hwn, drwy e-bost yn sea@anglingtrust.net, neu drwy fynychu ein gweminar ar-lein drwy Microsoft Teams ddydd Iau 12fed Chwefror 2026 am 7pm.

Byddwch yn cyfrannu’n uniongyrchol at ffurfio’r deunyddiau y byddwn yn eu datblygu i’w cyflwyno – diolch am helpu i amddiffyn draenogiaid môr a chefnogi pysgota hamdden cynaliadwy.
2. Cefndir a Chyd-destun
Mae’r arweiniad hwn yn cael ei ddatblygu yn unol â Nod 7 Cynllun Rheoli Pysgodfeydd Draenogiaid Môr Llywodraeth y Deyrnas Unedig: Amddiffyniadau parhaus ar gyfer stoc draenogiaid môr ifanc a rhai sy’n silio. Mae’r arweiniad a ddatblygwyd yn ceisio rhoi awgrymiadau syml, ymarferol i gefnogi addysg arfer gorau o fewn y gymuned genweirio môr hamdden. Bydd yr arweiniad ar gyfer genweirwyr y glannau, genweirwyr mewn cychod a genweirwyr cystadleuol, criwiau siarter, siopau offer a chlybiau – ac rydym eisiau cael eich barn fel bod y deunyddiau terfynol yn gweithio o ddifrif i enweirwyr sy’n targedu draenogiaid môr.

T