Vash o YOUth
Sien aktivisti vash manushikane hakaya kotar o bersha 18 ji pe 25? Sian studenti vash terno profesionisti? Vay, sian entuziasti e manushikane hakayengo trushalo vash te vijainel o neve janipya ayekha kay te keren yekh yaveripe ko tumaro komuniteti? Te sine kay respodineya va vash buderi akale puqipyendar, amen roda tute!
Ani Ternengi Akademia tumen ka arakhen o neve ovipya vash te promovinen thay avansinen agenda e manushikane hakayengi. Khetaningyoveni amenge vash te sikloven may buderi vash manushikane hakaya ulavindoy tumare eksperience.
 
Strukture thay teme
Ovipe konsistinla ano yekh diskursi e intensivune panj divune (panj rakya) studipesko, kerdo kotar interaktivune siklipya, butyarne, rafinipeske ovipya, yekh filmeski rat thay aktivitetya vash keripe e ekipako. Sherune teme e modulengo astarena:
· MODULI 1 – Avansipe e Ilakake Hakayengo e Juvlengo thay garavipe e Kulturake Kustikipesko: Akava moduli ka del e kotorleutnenge mangle treningya vash janipya thay siklipya mangle vash te kreirinen shrdipya phiravde kotar o terne ano partneriteti e yaver thanutne aktoryencar, savore e fokuseya vash garavipe e kulturake barvalipesko thay avansipe e ilakake hakayengo thay kustikipe e juvlengo.
· MODULI 2 – Terne sar promotorya e dialogesko thay komunitetenge hakaya: Akava moduli ka fokusingyol ano komunitetenge hakaya thay thay vazdipe e yaveripyengo ano mashkar-komunitetenge dinamike, promovindoy shukar kanleipe thay mashkaruni kohezia. Prekal angazhime butyarne thay ververutne ovipya e aktivitetengo, kotorleutne ka reflektinen sar putergyola o thanipe vash dialogi thay ledeipe.
· MODULI 3 – Terne qhave thay qhaya sar yaveripeske kerutne ano yekh hakyuno, yekhuno thay malipe bazirimo pe krisesko phiravipe: Moduli ka fokusingyol ano keripe e kapacitetengo vash terne yuridikake studentya thay odola kay diplominde vash te angazhingyon aktivune ano keripe e politikengo, promovipe e aktivitetengo kay edukinla e manushen vash olenge krisyune hakaya thay sigurinla akcesi ano hakaipe.
Data thay lokacia 
Ternengi Akademia ka adikergyol kotar 13 ji pe 17 Mayi 2024, ano Hotel International Prishtina & Spa, Prishtina/Priština. Sah harjipya (leindoy kotor akomodipe, habe, trnasporti, thay kosto phangle e aktivitetencar) ka uqhargyon kotar OSCE Misia ani Kosova. 
Na manglola janipe e Anglikana qhibyako, thay ka ovel riqhibyaripe pe Albanyuni, Serbyuni, Turkyuni, Romani thay Anglikani qhib. 
Ruyjina tumen kay numay suksesune kandidatya thay kandidate ani rezervuni lista ka informingyon vash rezultati e alosaripesko.