Valgreinar á vorönn 2017

Valgreinar

Hakaðu við þær greinar sem þú vilt taka á haustönn. Athugaðu að þú átt að haka við alls 4 kennslustundir á viku. Talan fyrir aftan nafnið á valgreininni segir hve margar kennslustundir hver námsgrein er. Misjafnt er hversu margar valgreinastundir hver nemandi tekur og munum við fara yfir það þegar búið er að afgreiða óskir um að fá tómstundastarf metið sem valgrein.

Athugið að þeir sem eru í fluguhnýtingarvali halda áfram í því á næstu önn.

Þú átt að skila þessu í síðasta lagi sunnudaginn 18. desember.

Question Title

* 1. Nafn nemanda

Question Title

* 2. Bekkur

Question Title

* 3. Nemendur geta fengið þátttöku í tómstundastarfi af ýmsu tagi metna sem hluta af vali. Ef þú vilt fá tómstundastarf metið þarft þú að gefa góða upplýsingar um það hér að neðan.
Tómstundastarf sem er að jafnaði 1. - 4 klst. á viku er metið sem 1 stund,
Tómstundastarf sem er að jafnaði 5. - 8 klst. á viku er metið sem 2 stundir
Tómstundastarf sem er að jafnaði 9. - 12 klst. á viku er metið sem 3 stundir
Tómstundastarf sem er að jafnaði meira en 13 klst á viku er metið sem 4 stundir,

Hvaða tómstundastarf?

Á vegum hvers er tómstundastarfið?

Hve margir tímar á viku fara í tómstundastarfið?

Hver er kennari / leiðbeinandi / þjálfari?

Question Title

* 4. Val á þriðjudögum kl. 7:30 - 810.

Boltagreinar og skólahreystival (1) Kennari Jóhann Ingi. Farið verður í helstu undirstöður boltagreina, þ.e. körfubolta, handbolta, fótbolta og blak. Einnig fá nemendur undirbúning undir skólahreysti. Ef margir velja verður bætt við tíma á fimmtudagsmorgni.

Question Title

* 5. Val á þriðjudögum frá kl. 1320-1440

Tré og málmsmíði (2) Kennari: Agnes Þorleifsdóttir. Markmiðið er að nemandinn geti nýtt smíðakunnáttu sína til að smíða vandaða gripi úr tré aða málmi, sé sjálfstæður í verki og geti unnið eftir eigin hugmyndum og áhugasviði og auki verkvit og færni með því að takast á við krefjandi verkefni að eigin vali Kennt verður einu sinni í viku, tvær kennslustundir í senn. Innlögn og sýnikennsla þegar við á, einstaklingskennsla og sjálfstæð vinna nemenda þar sem nemendur vinna verkefni að eigin val. Unnið er með valverkefni úr málmi eða tré, verkefnaval er fjölbreytt og frjálst og nemendur hvattir til að útlitshanna og breyta verkefnum. Námsgögn. Nemendur styðjast við bækur í smíðastofunni ef þeir vilja og geta einnig nýtt sér veraldarvefinn við að leita og þróa hugmyndir sýnar. Námsmat er í formi símats. Vinnusemi og virkni í tímum ásamt frumkvæði og hönnun er lagt til grundvallar.

Heimilisfræði (2). Kennari Svava Sigríður Svavarsdóttir. Komið er inná alla þætti heimilisfræðinnar sem eru t.d. næringarfræði, matreiðsla og hreinlæti. Markmiðið er að auka færni í matargerð og bakstri og hafa góð áhrif á fæðuval á öfgalausan hátt, efla næringarlæsi nemenda og þjálfa þá í að fara eftir leiðbeiningum um hreinlæti og þrif svo eitthvað sé nefnt. Kennt er einu sinni í viku, 2 kennslustundir í senn. Námsgögn: Nemendur sækja námsefni hingað og þangað með hjálp spjaldtölva. Námsmat: Símat þar sem verkleg færni og virkni í tímum ásamt frumkvæði er lögð til grundvallar.

Forritun (2) Kennari: Ásgerður Helga Guðmundsdóttir (Ása). Markmiðið: Hugsað fyrir þá sem vilja kynna sér undirstöðuatriði forritunar. Forritunarvinna reynir ekki aðeins á rökhugsun heldur einnig skapandi og lausnamiðaða hugsun ásamt hugmyndauðgi. Forritun er vaxandi fag sem án efa á eftir að spila enn stærra hlutverk áður en langt um líður. Grunnþekking í forritun og upplýsingatækni verður að öllum líkindum lágmarkskrafa í störfum framtíðarinnar. Evrópusambandið hefur skilgreint færni í upplýsingatækni, þar á meðal forritun, sem lykilfærni framtíðarinnar. Með því að kynna forritun fyrir börnum og unglingum er verið að opna þeim nýjar dyr innan tölvuheimsins. Kennt verður einu sinni í viku, 2 kennslustundir í senn. Námsgögn: Tækjaforritun (Sphero og Lego EVE3), smáforrit í spjaldtölvum sem og forrit í borðtölvum þar sem hægt er að búa til hreyfimyndir í bíó og einfalda tölvuleiki. Námsmat byggir á frammistöðu nemenda í kennslustundum og ástundun og fá nemendur annað hvort lokið eða ólokið.

Myndlist (2). Kennari: Guðrún Lára Halldórsdóttir. Markmiðið er að nemendur geti unnið eftir vinnuferli frá hugmynd að lokaafurð og greint frá mismunandi nálgun við vinnuna. Sýnt sjálfstæði í vinnubrögðum sem byggð er á fyrri reynslu. Kennt verður einu sinni í viku, tvær kennslustundir í senn. Málun; Málað á striga. Myndmótun; Unnið er úr margbreytilegum efnum eftir áherslu og útfærslu hvers nemanda. Leir; Unnið með jarðleir. Kennari fer yfir hugmyndir og óskir hvers nemanda og aðstoðar við efnisöflun eftir þörfum. Námsmat byggir á frammistöðu í kennslustundum og ástundun.

Textíl og fatahönnun (2) Kennari: Steinunn Þorleifsdóttir. Markmiðið er að nemendur þjálfist í að nota efni og áhöld greinarinnar, vinni sjálfstætt og geti nýtt sér handbækur og gögn greinarinnar, geta valið form, liti, efni og aðferðir út frá fagurfræði og hagnýtissjónarmiðum og rökstutt valið, geta nýtt sér orðaforða textílgreinarinnar, geti gert greinarmun á handverki og fjöldaframleiðslu, geta metið eigin verk og rökstutt matið, geta tekið þátt í umræðum um fagurfræðilegt gildi textíl, færni í aðferðum og tækni, s.s. prjóni, saumi, hekli og fleiri aðferðum. Kennt er einu sinni í viku, 2 kennslustundir í senn. Unnið verður með ýmis efni textílmenntar, svo sem efni, garn og prjóna og nálar. Nemendur nota áunna þekkingu í prjóni, útsaumi og vélsaum. Sjálfstæð vinna hvort sem er í fatasaum eða öðrum verkefnum. Tekin upp snið úr blöðum og bókum og áhersla á að vinna með vinnulýsingar og leiðbeiningar sem fylgja þeim. Áhersla er lögð á frumkvæði og sjálfstæði nemenda í verkefnavali. Sýnikennsla að mestu, en einnig gagnaöflun af vefsíðum. Námsgögn eru handbækur og gögn sem tengjast textílmennt, einnig gagnaöflun af vefsíðum og uppskriftir/hugmyndir úr prjóna/hekl og tískublöðum ýmiss konar. Námsmat er í formi símats og eru vinnubrögð og framfarir, sjálfstæði og fleiri þættir hafðir til hliðsjónar námsmati.

Spilavinir – lítum upp úr I-pödunum. (2) Kennarar: Rannveig og Rúnar. Markmiðið er að kynna og kenna á ný og spennandi spil í samstarfi við Spilavini. Kennarar eru miklir áhugamenn um borðspil og þann félagslega ávinning sem spilarar fá í gegnum leik og samvinnu. Borðspil geta kennt okkur margt og meðal annars þjálfað hæfni í samvinnu, sagnfræði, stærðfræði, íslensku, lífsleikni og fleira.

Fimir fingur (2). Kennarar: Jóhanna Pálsdóttir og Valgerður Björnsdóttir. Nemendur fá tækifæri til að prjóna, hekla, perla, gera origami eða annað sem reynir á fingrafimi eða útsjónarsemi. Mikil áhersla er lögð á samræður um leið og unnið er í höndunum. Nemendur eru hvattir til að koma með hugmyndir að verkefnum og kenna hverjir öðrum.

Bestu bíómyndirnar (2) Kennari: Rannveig Kristjánsdóttir. Horft verður á myndir sem hafa mörg stig á Imdb og svo eina mjög lélega til samanburðar. Hvað er verið að segja, af hverju er myndin góð / slæm?

Question Title

* 6. Fimmtudagar kl. 14:00 - 15:10

Verkleg efnafræði. (2) Kennari: Ásgerður Helga Guðmundsdóttir (Ása). Markmiðið er að nemendur auki þekkingu sína á efnafræði með vísindalegum athugunum (tilraunum). Nemendur læra að umgangast tæki og tól sem notuð eru á réttan hátt og læra að beita vísindalegum vinnubrögðum. Nemendur fá tækifæri til að framkvæma, draga ályktanir og útskýra eigin athuganir. Kennt verður einu sinni í viku, 2 kennslustundir í senn. Námsgögn: notast verður við efnafræðibækur sem og efni af veraldarvefnum. Námsmat byggir á frammistöðu nemenda í kennslustundum og ástundun og fá nemendur annað hvort lokið eða ólokið.

Question Title

* 7. Fjórir fimmtudagar frá kl. 15:00 - 22:00

Skíðaval (2) Kennarar Auður Kristín Ebenezersdóttir. Farið í Bláfjöll og skíðað af hjartans lyst. Nemendur fá kennslu miðað við eigin þarfir. Farið verður fjórum sinnum á önninni.

Question Title

* 8. Val á föstudögum frá kl. 1230 - 1350

Heimilisfræði (2) - Eftirréttir, kökur og kökuskreytingar. (1). Kennari Svava Sigríður Svavarsdóttir. Markmiðið er að auka færni í bakstri og framreiðslu á eftirréttum og kökum. Nemendur læra að leita leiða til að gera eftirrétti og kökur hollari. Nemendur efla sköpunarhæfileika sína og halda veislu í lok annar. Gómsætt námskeið.

Miðlunarleiðir (2). Kennari: Sigríður Rut Marrow. Í áfanganum verða kynntar mismunandi aðferðir við miðlun á efni. Fjallað verður um margvíslegar miðlunarleiðir eins og ljósmyndun, stuttmyndagerð, samfélagsmiðla, útvarpsþáttagerð og blaða- og fréttamennsku. Nemendur verða svo þjálfaðir í að koma hugmyndum sínum á miðlunarform og markmiðið er að flestir finni eitthvað við sitt hæfi.

Fantasíuheimar (2) Kennari: Anna Katrín Eiríksdóttir. Lesnar bækur og horft á myndir um ævintýraheima og vísindaskáldskap. Efni ákveðið í samvinnu við hópinn, gæti verið eitthvað úr Discworld seríu Terry Pratchett, Star Wars, Hitchikers Guide to the Galaxy, Rocky Horror Picture Show, Harry Potter, Lord of the Rings og Hobbitinn ofl. Farið yfir sameiginlegt efni og einnig velja nemendur efni sem þeir kynna fyrir öðrum.

Pólska (2). Kennari: Katarzyna Sylwia Kogut. Þetta er byrjendanámskeið í pólsku og jafnframt læra nemendur um Póland og pólska menningu.

Viltu læra betur (2). Kennarar: Nokkrir kennarar í unglingadeild. Markmiðið er að nemendur geti fengið aðstoð við að skilja betur og dýpka sig í námsefninu. Kennt verður einu sinni í viku, 1-2 kennslustundir í senn. Námsgögn eru þær námsbækur sem nemendur eru að vinna í hverju sinni. Námsmat byggir á frammistöðu nemenda í kennslustundum og ástundun og fá nemendur annað hvort lokið eða ólokið.

Question Title

* 9. Aðrir áfangar
- Fab Lab. Kennari: Ásgerður Helga (Ása) og Jóhanna Björk. Markmiðið er að nemendur læri undirstöðuatriði stafrænnar framleiðslutækni; frá þrívíddarhönnun, til framleiðslu hluta og forritunar með hjálp tölvustýrðra tækja og tóla. Fab Lab er stytting á enska heitinu ,,fabrication laboratory” og er stundum kölluð stafræn smiðja á íslensku. Notast verður við Inkscape ( www.inkscape.org ) fyrir tvívíddar teikningar og Sketchup (www.sketchup.com ) fyrir þrívíddarteikningar. Kennt verður einu sinni í viku, 2 kennslustundir í senn, tími verður samkomulag hópsins.
Námsgögn: unnið verður í tölvum og farið verður í Fab Lab smiðju þar sem nemendur fá kynningu á Fab Lab og verkin munu “lifna við”. Námsmat byggir á frammistöðu nemenda í kennslustundum og ástundun og fá nemendur annað hvort lokið eða ólokið.

- Skyndihjálparnámskeið verður haldið í febrúar. Nemendur mæta í eitt skipti frá kl. 1400 - 1800. Dagsetning ákveðin síðar.

- Framhaldsskólaáfangar í fjarnámi í FÁ. Hægt er að taka framhaldsskólaáfanga í ýmsum námsgreinum í fjarnámi í FÁ. T.d. ensku, þýsku, spænsku, frönsku. Þeir sem vilja taka áfanga af þessu tagi þurfa að merkja hér við neðan. Við gefum svo grænt eða rautt ljós í kjölfarið, enda verða nemendur að uppfylla ákveðin skilyrði. Í öllum tilfellum þurfa nemendur sjálfir að kaupa námsbækur í framhaldsskólaáföngum og greiða gjald sem framhaldsskólinn kann að innheimta.

Skyndihjálp (1)

Fab Lab (2)

Framhaldsskólaáfangar í ensku (4) - hafa samband við skólastjóra

Aðrir framhaldsskólaáfangar - ýmislegt í boði, t.d. þýska / spænska (4)

Question Title

* 1. Nafn nemanda

Question Title

* 2. Bekkur

Question Title

Question Title

* 4. Val á þriðjudögum kl. 7:30 - 810.

Question Title

* 5. Val á þriðjudögum frá kl. 1320-1440

Question Title

* 6. Fimmtudagar kl. 14:00 - 15:10

Question Title

* 7. Fjórir fimmtudagar frá kl. 15:00 - 22:00

Question Title

* 8. Val á föstudögum frá kl. 1230 - 1350

Question Title

Question Title

* 10. Athugasemdir