Bon bini na Think To Do Institute su enkuesta di Konfiansa.
Nos ta apresiá bo partisipashon na e enkuesta di konfiansa. Bo partisipashon ta hopi importante pa nos, pa asina nos por siña mas tokante bo felisidat personal, bo konfiansa i bo sintimentu di pertenensia den nos komunidat. Tur esaki huntu nos ta yama koheshon sosial. Ku e informashon aki nos por informá hendenan ku ta hasi i traha maneho pa yega na un maneho general ku ta mehorá bienestar i sirbi mihó na nos siudadanonan.
E enkuesta ta dura mas o ménos 7 minüt i ta konsistí di preguntanan tokante konfiansa den famia, den amistatnan i institushonnan. Konfiansa ta esensial den un pais pa hendenan por atmirá nan nesesidat básiko i mas. Un konfiansa grandi ta stimulá partisipashon den aktividatnan ekonómiko, ta krea seguridat den bario i ta duna sosten na kambio den lei pa hasi bida di tur hende mihó.
Nos ta hopi gradisí ku bo kolaborashon pa kontesta tur e preguntanan ku nos ta hasi aki.
Komo un organisashon sivil lokal, Think To Do Institute ta komprometé ku e protekshon di bo privasidat, i tambe ta inkluí protekshon di bo datonan personal. Bo kontestanan ta keda anónimo. Nos ta mantené regulashon di protekshon di datonan, manera publiká den nos Data Policy riba nos wepsaît. Yenando e enkuesta, bo ta duna di konosé ku ta di akuerdo pa kolektá i warda e datonan anónimo aki.
Masha danki pa bo kolaborashon den investigashon aki. Nos ta apresiá!
E promé pregunta ta referí na bo sintimentu general riba konfiansa. Na final di e enkuesta tin preguntanan tokante sekso, edat, edukashon i bo nivel di entrada finansiero. Esakinan ta importante pa nos ku investigá por haña un bista riba e komposishon di komunidat.
Ora bo klik riba "OK" i "SIGUIENTE" bo ta duna di konosé di ta akuerdo ku partisipashon den e enkuesta aki.
